Kryetari i Partisë Demokratike, Sali Berisha, i pyetur sesa i ka kushtuar forcës së tij politike, punësimi i Chris LaCivita, një prej strategëve të fushatës së presidentit amerikan Donald Trump në Tiranë si drejtues të fushatës për zgjedhjet e ardhshme parlamentare.
Berisha tha se do të merret vesh shumë shpejt, ndërsa theksoi se nuk ka qenë ai që ka bërë negociatat.
“Do t’i merrni vesh që të gjitha. Nuk ka asnjë sekret. Nuk jam unë personi që jam marrë me negociatën”, tha Berisha jashtë sallës së Kuvendit, kur u pyet nga gazetarët.
I pyetur nëse ka emrin e një kandidati për kryebashkiak nëse Tirana shkon në zgjedhje të parakohshme pas arrestimit të Erion Veliajt, Berisha tha: “PD sigurisht që do të studiojë me shumë vëmendje kandidatët e saj, por PD kërkon dorëheqjen e menjëhershme të Edi Ramës, i damkosur si kukulla e Soros”.
