KUKËS– Kryebashkiaku socialist i Kukësit Safet Gjici ka shpallur fitoren në këtë të bashki. Përmes një prononcimi për mediat ai tha se qytetarët kuksianë treguan se nuk janë më një kah politik por se ata mbështetin punën dhe kontributin e dhënë. Kanë mbetur më pak se 10 kuti për tu numëruar ndërsa Gjici kryeson me afro 2 mijë vota para kundërshtarit të koalicionit “Bashkë Fitojmë” Admir Sinamati.
Safet Gjici: Është një sfidë e jashtëzakonshme që për këto katër vitet e ardhshme kemi shumë punë për të bërë, për të gjithë atë që kemi thënë në fushatë, ka ardhur koha t’i vëmë në zbatim premtimet për qytetin. Për herë të parë ne kemi konkurruar dhe kemi marrë për herë të parë bashkinë në mënyrë të drejtpërdrejtë. Me qytetarët kuksianë kemi biseduar për të gjitha problematikat dhe për çfarë do të bëjmë edhe për katët vitet e tjera. Kukësi tashmë nuk është më një kah, ka treguar se tashmë mbështet punën, projektet, investimet. Do t’u shërbej njëlloj si atyre që na votuan por edhe ata që kishin bindje të tjera
