Deputeti i Partisë Demokratike, Saimir Korreshi, deklaroi se Lulzim Basha nuk është kryetar i grupit parlamentar të PD-së.
Në një intervistë televizive, Korreshi tha se Basha duhet të regjistrojë fillimisht statutin e ri në gjykatë, ndërsa shtoi se si kryetar grupi njohin Gazment Bardhin.
Korreshi sqaron gjithashtu se grupi i deputetëve të cilëve ai u përket nuk njohin as Sali Berishën dhe as Lulzim Bashën si kryetar të PD.
”Regjistro statutin pastaj hajde na fol për përralla me mbret. Kur ta regjistrojë në gjykatë. Unë iu referova rregullores së Kuvendit të Shqipërisë. E përcakton rregullorja e Kuvendit. Gazment Bardhin e njohim sy kryetar të grupit parlamentar, ndërsa Berishën dhe Bashën s’i njohim si kryetar. I përkasim grupit parlamentar të PD-së. Parlamenti nuk është shprehur se është Basha. Kryesia dhe kryetari i grupit parlamentar zgjidhet nga vetë kreu i grupit parlamentar. Berisha nuk ka pasur shumicën e deputetëve prandaj se mori dot grupin parlamentar. Vjen ai bën Kuvende, po ta gëzosh Kuvendin”, deklaroi Korreshi.
Ai u shpreh, se ngërçi juridik ka zbehur opozitën e se kjo situatë në PD do të vazhdojë prej ditësh.
“Më vjen keq që kandidati i PD-së duhet të regjistrohet me Partinë e Lirisë. Është shumë e trishtë, mendoj se nuk ka ndërmend gjykata as t’i shqyrtojë aq ti gjykojë. PD do të vazhdojë me ngërçin juridik për shumë kohë. Trumbetojmë Reformën në Drejtësi dhe nuk i japim zgjidhje. Vula s’i takon as Bashës as Berishës. Ngërçi procedural ka zbehur opozitën. Berisha kishte gjithë mundësinë ta legjitimonte, por beri një proces që nuk i jep kurrë legjitimitet”, nënvizoi Korreshi.
/ Newszone
