TIRANË– Pas deklaratave të bëra ditën e sotme nga kryetari i Partisë Demokratike Sali Berisha se 31-vjeçari Gerti Shehu është pjesë e Policisë kriminale kanë reaguar hakerat iranianë. Ata kanë paralajmëruar ditën e sotme se në ditët në vijim do të nxjerrin të dhënat ku Shehu del në disa databaza të policisë.
Gerti Shehu është 31-vjeçari që goditi me grusht kreun e Partisë Demokratike Sali Berisha ditën e sotme. Ai u fut mes turmës dhe në një moment u afrua me shpejtësi dhe godtit Berishën. Si pasojë e sulmit kryedemokrati ra përtokë dhe u ngrit i gjakosur në fytyrë dhe me sy të nxirë. Shehu u neutralizua nga truprojat dhe protestuesit në shesh. Më pas ai u arrestua nga Policia. Sipas Policisë ai është person me skedë të pasur kriminale pasi është akuzuar më parë për plagosje, prishje të qetësisë publike dhe trafikim të lëndëve narkotike.
