Kryetari i Partisë Demokratike, ditën e sotme ka dhënë një deklaratë lidhur me ngjarjen e rëndë që ndodhi mbrëmjen e së shtunës në Pejë, ku një nënë së bashku me fëmijën vdiqën si pasojë e përmbytjeve që janë shkaktuar në Kosovë. Sali Berisha ka shprehur ngushëllimet për familjen dhe thotë:
“Shumë zona në Kosovë po përballen me përmbytje masive, si pasojë e reshjeve të dendura të shiut. Kjo situatë alarmante ka sjellë dëme të mëdha, për fatin e keq edhe viktima. Nënë e bir, nga Peja, kanë humbur jetën si pasojë e këtyre përmbytjeve. I shpreh ngushëllimet e mija familjes së viktimave. Zoti ua lehtësoftë dhimbjen e tejskajshme. Shpresoj që situata të zgjidhet sa më parë dhe të mos ketë tragjedi të tjera”.
