TIRANË– Deputeti i Partisë Demokratike Ervin Salianji pas daljes nga seanca plenare e kësaj të enjteje ka komentuar situatën e brendshme politike plot tensione brenda PD-së kur jemi më pak se 40 ditë larg zgjedhjeve vendore. Në një intervistë për Report Tv Salianji u shpreh se deputeti Enkelejd Alibeaj ka konfiskuar vulën dhe siglën e Partisë Demoikratike.
Ai shtoi se në përpjekje për të treguar se po drejton PD-në Alibeaj vetëm ka dështuar dhe këtë sipas tij e dëshmon fakti se Alibeaj nuk arriti të gjente 61 kandidatë për kryebashkiakë në 14 maj. Salianji shprehet, se kryeministri Edi Rama i ka dhënë mbështetje Alibeajt e se po kërkon edhe elektoratin e Berishës. Në fund Salianji kishte një thirrje për të gjithë demokratët, ai tha se ata duhet të dalin masivisht për të votuar në këto zgjedhje pavarësisht përplasjeve të brendshme nëse janë me njërin apo me tjretrin.
Ervin Salianji: Ka vetëm një opozitë dhe një tjetër që ka sigël dhe vulë ndërkohë që nuk ka 61 kandidatë për të kandiduar. Nëse çdo parti hyn dhe garon, vota për kandidatin është vota për partinë. Kur nuk ka mundësi që të nxjerrë 61 kandidatë si do ta luftosh regjimin si do të shkatërrosh Berishën. Nuk kanë kandidat dhe lënë në baltë të gjithë njerëzit që i kanë ndjekur. Duke bërë një tradhti tjetër ndaj elektoratit që të themi se duan Berishën. E vetmja arsye pse mbahet vula është se janë paratë që vijnë nga buxheti i shtetit. këto e kanë pronësuar një parti të vogël, nuk u intereson as rezultat asgjë. E vetmja gjë që do të japin është justifikimi që do të japin për rezultatin e dobët. Jemi në një situatë kur gjykata u ka dhënë vulën, Rama u ka dhënë mbështetjen dhe duan edhe elektoratin e Berishës. Më vjen keq që është konfiskuar sigla e PD-së. I kanë vënë qepenin asaj partie që morën peng. Nëse je kundër Berishës duhet të marrësh pjesë në zgjedhje dhe të tregosh se ke elektorat. E kanë hequr betejën dhe e kanë njohur zyrtarisht Berishën si udhëheqës. Ku do të shkojë dikush që mendon ndryshe
