TIRANË– Deputeti i Partisë Demokratike Ervin Salianji deklaroi se është i gatshëm të lërë mandatin e deputetit në funksion të bashkimit të PD-së. Duke folur në emisionin “Kjo Javë” Salianji u shpreh se i vetmi që i intereson përçarja në PD është kryeministri Edi Rama. Ndër të tjera ai tha se sot të marrësh vendime për interesa personale dëmton Partinë Demokratike.
Ervin Salianji: Unë jam gati personalisht, nëse jepet një variant i caktuar për të bashkuar Partinë Demokratike, jo funksionin si nënkryetar grupi, por jam i gatshëm të lë mandatin për tu bashkuar PD. Të dalësh të marrësh përgjegjësi të caktuara, të diskutosh me kolegë dhe të hysh në përplasjet apo sulmet që bëhen nga qeveria për të parecarë PD nuk është privilegj. Është një kosto e caktuar, por ka disa njerëz që duhet ta bëjnë këtë. Ose ndryshe të dalin në protesta të dhe të rrëzojnë qeverinë.
