TIRANË– Deputeti i Partisë Demokratike Ervin Salianji ka folur për mediat jashtë Kuvendit para nisjes së seancës plenare, të parës për këtë vit. I ndalur te çështja e bashkimit të PD-së dhe nisma për shkakrkimin e Enkelejd Alibeajt nga detyra e kreut të grupit parlamentar Salianji tha se 60% e deputetëve janë pro kësaj nisme. Ndër të tjera deputeti demokrat u shpreh se po punohet që të arrihet bashkimi i partisë dhe se ai është i gatshëm që të lërë dhe mandatin e deputetit për këtë.
Ervin Salianji: Do të arrihet në një konluzion të caktuar për të arritur një bashkim. Më shumë se 60% e deputetëve, janë pro kësaj, për shkak të një vendimi që është arbitrar, sic është përjashtimi për një mendim ndryshe. Jemi në një kohë të diskutimit brenda PD-së për të pasur një diskutim më të gjerë, bëhet fjalë për të gjetur një zgjedhje për ngërcin. Nuk ka maska, do ecim për ti dhënë zgjidhje. Të gjitha funksione janë në diskutim, sesi do të jetë vendimi i shumicës, unë e kam thënë se jo vetëm që marr përgjegjësinë në një moment krize, por jam i gatshëm dhe të lë mandatin që të bashkohet PD. Në mënyrë që PD të mos kthehet në një parti e cila merr vëmendjen mediatike dhe zhvendoset nga skandalet e Qeverisë. Kemi qënë në diskutime për të bashkuar PD, nuk ka pasur një vendimmarrje për përjashtim, duket si një stërkëmbësh për të përcarë PD-në.
