TIRANË– Deputeti i Partisë Demokratike Ervin Salianji ka folur së fundmi për përplasjet brenda PD-së. Salianji tha se sa i takon shumicës ajo është e qartë se i takon Sali Berishës, të cilit sipas deputetit i takon të bëjë disa hapa për të mbërritur në bashkimin e partisë. Deklaratat Salianji i bëri i ftuar në emisionin “Të pa Ekspozuarit”.
Ervin Salianji: Është në hall të madh Partia Demokratike, nuk ka ndonjë sekret. Situata është edhe dramatike, nga pamjet që transmetuat (përplasja e deputetëve në Kuvend). Deputetë që kanë dalë nga një sigël shkojnë në një përplasje që nuk e nderojnë PD-në. Unë e pranoj faktin. Por, zgjidhja nuk gjendet te PS apo te kryetari i Kuvendit, aq më tepër te Edi Rama. Rama është personi kryesor që e mban këtë gjendje nëpërmjet gjykatave. Sot përdori marifet tjetër, lidhur me një institucion që thuajse nuk vlen, Avokati i Popullit, për të përçarë opozitën, për të gënjyer ndonjë deputet të PD që e ka mbyllur karrierën dhe duan të kapin ç’të kapin. Kjo është situata. Unë jam në grupin parlamentar të PD. Qëndrimet e grupit janë thuajse uniforme, përveç rasteve kur tenton Rama dhe bien në grackë një pjesë e deputetëve. Në fund u tregua se Rama u tall dhe erdhëm në të njëjtin qëndrim. Vazhdon prapë marrëveshje me Bashën për të mbajtur avokat të popullit atë që ka zgjedhur Basha. Ne e kemi diskutuar edhe për raste konkrete se si të bashkohej PD. I takon zotit Berisha për të bërë një hap, duke qenë se është shumica e faktuar, por jo një shumicë që mund të ecë me tirani. Ashtu siç i takonte pjesës tjetër të bashkoheshin në Primare.
Deputeti Ervin Salianji u ndal dhe tek grupimi që mbështët Enkelejd Alibeaj brenda partisë. Sipas tij në atë grupim luhet për interesa personale. Ai shtoi se nuk ka asnjë komunikim me Alibeajn.
Ervin Salianji: Një nga arsyet pse nuk kam komunikim, janë vendimarrjet, ku luhet për interesa personale dhe ku shkelen vendimet e grupit. Nuk kam komuikim Nuk është ndarja e grupit parlamentar sot, pro Berisha apo pro Alibeaj. Duhen bërë përpjekje për bashkim. E di cila do të ishte rruga më e poshtër? Të rrinin deputetët pa interesa me asnjë palë, të bënin sikur rrinin nëpër dyer, të prisnin zgjedhjet lokale. Zgjidhja është të bashkohemi. Nëse mendoni se jemi të bashkuar kështu, nuk e paskam kuptuar unë pra
