SLLOVENI–Kryeministri i Kosovës Albin Kurti dhe homologia e tij serbe Ana Brnabiç janë “përplasur” këtë të hënë në samitin e Bled-it që zhvillohet në Sllovoni. Ka qenë Brnabiç ajo që ka deklaruar se nuk ka dy shtete pasi Kosova nuk njihet. Sipas saj Kosova nuk njihet nga pesë vende të Bashkimit Europian dhe se ajo që duhet të bëjë është themelimi i bashkësisë serbe në veri.
Ana Brnabiç: Në fillim më duhet të them që për mua është një vend, nuk ka dy vende. Kosova nuk njihet nga ndërkombëtarët dhe nuk është pjesë e OKB. Dyshoj që të jetë pjesë e BE ndërsa ka 5 vende që nuk e njohin. Normalizimi që është në interes si të serbëve dhe shqiptarëve dhe gjithë rajonit, është në krye të prioriteteve tona. Normalizimi fillon me marrëveshjen e Brukselit e nënshtruar 10 vite më parë. E vetmja gjë që Prishtina duhej të bënte është themelimi i bashkësive serbe. Kurti thotë se marrëveshja nuk ekziston për të, por po e përsëris që ky është hapi i parë që duhet të zbatohet për normalizimit. Po presim asociacionit.
Në përgjigje të tij kryeministri i Kosovës Albin Kurti tha se Serbia është një nga vendet që nuk e ka distancuar veten nga asgresioni rus në Ukrainë dhe nga presidenti rus Vladimir Putin. Po ashtu ai me ironi u ndal dhe tek e shkuara duke thënë se Beogradi nuk është distancuar ende nga krimet e Sllobodan Millosheviçit.
Albin Kurti: Të mbështesësh Kosovën për BE ne e kemi 94%. Ne kemi vënë sanksione kundër Rusisë, Serbia jo, nuk e distancoi veten as nga Millosheviç as nga Putin, ndaj nuk është thjeshtë për ne. Normalizimi me Serbinë është shumë herë më i vështirë. Normalizimi nga pikëpamja psikologjike do të thotë mungesë të konfuzionit mes fantazisë dhe realitetit.
