TIRANË– Një ditë pas mbylljes së punimeve dy ditore të samitit të NATO-s të mbajtur në Vilnius të Lituanisë ministrja e Jashtme Olta Xhaçka ka ndarë detaje nga takimet me krerët e shteteve të vendeve anëtare dhe bisedimet e vendit tonë. Përmes një postimi në rrjetet sociale Shefja e Diplomacisë shqiptare shkruan se në fokus të bisedimeve, ishte rikonfirmimi për mbështetjen politike për Ukrainën. Po ashtu ndër të tjera ministrja thotë se vendet partnere kanë mbështetjen tonë.
Olta Xhaçka: Në Samitin e NATO-s në Vilnius: Rikonfirmuam angazhimin tonë për të rritur më tej mbështetjen politike dhe praktike për Ukrainën ndërsa ajo vazhdon të mbrojë pavarësinë, sovranitetin dhe integritetin territorial të saj. Vendosëm të themelojmë Këshillin NATO-Ukrainë, një organ i ri i përbashkët ku Aleatët dhe Ukraina ????do të ulen si anëtarë të barabartë për të çuar përpara dialogun politik, angazhimin, bashkëpunimin dhe aspiratat e Ukrainës për anëtarësim në NATO. Me Ministrat e Jashtëm të NATO-s theksuam rolin vendimtar të bashkëpunimit mes Bashkimit Evropian dhe NATO për sigurinë dhe stabilitetin e Ballkanit Perëndimor, në veçanti për Kosovën ???????? dhe Bosnje Hercegovinën. Gjithashtu theksova mbështetjen e palëkundur të Shqipërisë për partnerët tanë si Bosnja Hercegovina, Gjeorgjia dhe Moldavia të prekur nga situata aktuale e sigurisë.
