TIRANË– Kryeministri Edi Rama është shprehur se Samiti i djeshëm BE-Ballkani Perëndimor i mbajtur në Tiranë ishte një ngjarje historike. Kështu deklaroi Rama nga Brukseli ku po merr pjesë në një forum rreth diskutimeve të samitit.
Kreu i qeverisë tha se vendi ynë po njeh progres në ecurinë e rrugës drejt Bashkimit Evropian. Por për këtë Shqipëria duhet të punojë fortë.
“Ne nuk do të heqim dorë nga BE-ja. Të martohemi kur të vij koha. Unë jam ,martuar vonë. Mund të shkojmë në një bashkëjetesë paqësore ne drejtim të martesës. Mendoj që diçka thelbësore po ndryshon. Duhet të punojmë fortë për anëtarësimin, duhet të bëjmë detyrat e shtëpisë”, tha Rama
