TIRANË– 13 javë kërcim dhe spektakël më Dancing With The Stars janë finalizuar mbrëmjen e djeshme me fitoren e blogeres dhe influencuesës së rrjeteve sociale Sara Hoxha dhe balerinit Luixhino Hala. Prej 13 javësh evolimi të dukshëm sa i përket teknikave të kërcimit Sara arriti që të “rrëmbejë” zemrat e publikut dhe të jurisë dhe në natën finale.
Dhe pse kërcimi i saj i fundit u shoqërua me një incident pasi gjatë kërcimit blogeres i ra fundi që mbante ajo nuk e ndali koreografinë duke vazhduar më tej, veprim që u vlerësua dhe nga publiku por dhe nga juria, ndërkohë vetë Sara menjëherë pas performancës shpërtheu në lot.
Teksa mbante kupën në dorë ajo falenderoi të gjithë ata që kanë qenë me të në këtë rrugëtim të gjatë prej 13 javësh. Ndërkohë u shpreh mirënjohse ndaj publikut që e kanë votuar çdo jave dhe në finale sigurisht. Ndërkohë bashkë me kupën ajo do të marrë dhe çmimin prej 50 mijë eurosh.
“Dua të falënderoj produksionin, Esdalinin dhe Olën, falënderoj Luixhinon për çdo orë provë që s’e ka kursyer, energjinë, përkushtimin, mikun që e fitova, familjet Hoxha dhe Vula, Poin që ishte frymëzimi im”, tha Sara.
Në finale përballë saj ishin tre konkurentë të fortë si Ardit Çuni, Megi Pojani dhe Elhaida Dani.
