TIRANË– Nga rritja e pagave në administratën publike do të përfitojë dhe Presidenti Bajram Begaj. Lajmin e bëri të ditur ministrja e Financave Delina Ibrahimaj, e cila tha se paga e Kreut të Shtetit do të shkojë në 425 mijë lekë.
Delina Ibrahimaj: Elementët specifike të rritjes së pagave do të detajohen, kemi miratuar një rritje të qënësishme të pagës së presidentit, niveli i pagës shkon në 425 mijë lekë, kemi rishikuar dhe hierarkinë e institucioneve të pavarura duke krijuar edhe një barazi nëpërmjet tyre. Administrata publike do të ketë rritje brenda 2 viteve, që është e përshkallëzuar sipas institucioneve.
