Sekretarja e Gruas në Partinë Socialiste, Evis Kushi në një takim në qytetin e Durrësit me drejtueset e Forumit të Gruas Socialiste nga qarqet Tiranë, Durrës, Elbasan dhe Korçë shprehet optimiste për fuqëzimin e gruas në shoqëri.
Me anë të nje postimi në rrjetet e saj sociale, Kushi thekson se takimet e radhës do të vijojnë edhe në qarqet e tjera të vendit, me qëllim realizimin e një dokumenti gjithëpërfshirës që reflekton zërin e të gjitha grave dhe vajzave në të gjithë vendin.
Statusi i Kushit:
Me drejtueset e Forumit të Gruas Socialiste nga qarqet Tiranë, Durrës, Elbasan dhe Korçë, si dhe me mbështetjen e Friedrich Ebert Stiftung, organizuam takimin e parë në kuadër të projektit për 
hartimin e një manifesti, ku do t’i prezantojmë Partisë Socialiste 
prioritetet tona kryesore për fuqizimin e grave dhe vajzave 
në parti dhe shoqëri.
Në këtë takim të parë, mirëpritëm edhe Kryetaren e Bashkisë Durrës Emiriana Sako dhe deputeten e qarkut Klodiana Spahiu, të cilat ndanë me ne përvojat dhe kontributin e tyre në jetën politike dhe shoqërore.
Në takimet e radhës do të vijojmë edhe me qarqet e tjera të vendit, me qëllim realizimin e një dokumenti gjithëpërfshirës që reflekton zërin e të gjitha grave dhe vajzave në të gjithë vendin.
