TIRANË– Ministrja e Shëndetësisë Ogerta Manastirliu ka reaguar për herë të parë në lidhje me arrestimin e vartëses së saj kryesore pak ditë më parë Joana Duro, e cila mbante postin e Sekretares së Përgjithshme dhe që u arrestua nga Prokuroria e Posaçme Kundër Korrupsionit dhe Krimit të Organizuar për korrupsion. Gjatë fjalës së saj në Kuvend Manastirliu deklaroi se ajo dhe dikasteri i saj distancohen plotësisht nga kjo histori. Sipas saj çdokush është i barabartë para ligjit.
Ogerta Manastirliu: Distancohemi plotësisht! Cilido që shkel këto parime duhet të përballet me pasojat që parashikon ligji. Ky ka qenë qëndrimi dhe bindja ime që kur kam marrë poste publike. Rasti duhet të hetohet deri në fund. Nëse del të përballet me pasojat e ligjit. Ky ka qenë objektivi im që kur kam marrë detyrën. Rasti është i rëndë, duhet hetuar. Nëse del, ashtu sikurse dyshimet janë të përballet me ligjin. Çdo person që merr detyrën në subjektin publik merr dhe përgjegjësinë para ligjit. Kjo është arsyeja pse e iniciuam dhe e bëmë reformën në drejtësi. Para ligjit të gjithë janë të barabartë. Unë e kuptoj që e keni të vështirë për ta kuptuar këtë. E keni të vështirë sepse dikur kush ishte në hetim vazhdonte të drejtonte institucionet nga shtëpia. Kush vriste, drejtonte institucione të larta. Ndaj, sot ju se kuptoni dot qëndrimin tim dhe tonin për këtë gjë. Të gjithë të barabartë përpara ligjit. Zakoni juaj tashmë dihet, ju doni të bëheni, avokatë, prokurorë e gjykatës. Ju doni të bëni këto role dhe doni të vërtisni politikisht. Por falë zotit, sot kemi drejtësi dhe organe drejtësie të pavarura. Dhe unë ndryshe nga ju i respektoj,
