Chris Brown ka filluar turneun e tij në Europë dhe pjesë e çdo koncerti është marrja e një fanseje në skenë. Vajza e zgjedhur ulet në një karrige përreth së cilës performon Chris Brown, me lap-dance (kërcim në prehër) dhe lëvizje të tjera shumë sensuale.
Mes këtyre lëvizjeve ajo që i ka bërë njerëzit të diskutojnë dhe të kritikojnë këngëtarin është momenti kur ai vë dorën rreth qafës së secilës vajzë.
“Kjo është kaq e pakëndshme për t’u parë. Një burrë me një histori dhune që bën këto gjeste!”, shkruan dikush.
Njerëzit që mendojnë njësoj janë të shumtë, veçanërisht në TikTok.
Megjithatë, ka dhe nga ata që kanë mendime krejt të ndryshme. Për shembull, qindra vajza komentojnë se si “do bënin gjithçka që të ishin në vendin e vajzave të përzgjedhura në koncerte” apo se si “mbetën shtatzënë vetëm duke parë videon”.
