Policia e Italisë ka vënë në pranga dy trafikantë shqiptarë dhe midis tyre edhe një shtetas Italian të cilët janë kapur me 58 kilogramë drogë dhe një “mal” me euro, afërsisht 410 mijë euro cash.
Shqiptarët janë të moshave 32 dhe 43 vjeë dhe u arrestuan në shtëpinë e italianit 45 vjeçar.
Mediat italiane shkruajnë se të arrestuarit ishin nën monitorimin e policies prej disa kohësh dhe menjëherë sapo ato kanë hyrë në banesë kanë nuhatur erën e fortë të marijuanës që vinte nga kati i parë.
Gjatë kontrollit agjentët gjetën sasi të ndryshme droge dhe materiale të ndryshme për prerjen e saj. Por ajo që surprizon ishte edhe sasia e madhe e lekëve. Të arrestuarit kishin edhe një fletore ku shënonin aktivitetin e paligjshëm të drogës.
Aty shfaqen numra dhe emra të koduara, të cilat pritet të hetohen nga karabinierët.
