Sekretari amerikan i Shtetit, Antony Blinken njoftoi një paketë të re ndihme sigurie për Ukrainën. Paketa kap vlerën e 200 milionë dollarëve dhe vjen nga “Autoriteti i tërheqjes presidenciale i autorizuar më parë” – para që mbetën pas gabimit kontabël të Departamentit të Mbrojtjes.
“Rusia e filloi këtë luftë dhe mund ta përfundojë atë në çdo kohë duke tërhequr forcat e saj nga Ukraina dhe duke ndaluar sulmet e saj brutale. Derisa të ndodhë, Shtetet e Bashkuara dhe aleatët dhe partnerët tanë do të qëndrojnë të bashkuar me Ukrainën, për aq kohë sa duhet”, tha Blinken në një deklaratë të hënën.
