TIRANË– Shtetet e Bashkuara të Amerikës kanë reaguar ashpër për sulmin ndaj kryetarit të Partisë Demokratike Sali Berisha. Një zëdhënës i ambasadës së SHBA-së në Tiranë tha se autoritetet duhet të hetojnë plotësisht incidentin. Ai tha se janë skandalkizuar nga kjo ngjarje.
“U skandalizuam nga sulmi fizik sot ndaj një anëtari të parlamentit dhe presim që autoritetet ta hetojnë plotësisht incidentin. Askush nuk duhet sulmuar sepse ushtron lirinë e fjalës në përputhje me ligjin”, u shpreh një zëdhënës i ambasadës së SHBA.
Kryetari i Partisë Demokratike Sali Berisha u godit me grusht në fytyrë nga 31-vjeçari Gentian Shehu gjatë kohës që po marshonte nga selia e PD drejt bulevardit ‘Dëshmorët e Kombit’ ku do bashkohej me protestuesit. Shehu ka ardhur në mënyrë të rrufeshme nga turma dhe goditi në fytyrë Berishën. Në këtë moment kreu i PD ka rënë në tokë ndërsa ai është neutralizuar nga trupërohjat.
