TIRANË– Kryeministri Edi Rama ka folur sot për herë të parë në lidhje me shembjen e pallatit numër katër në rrugën “Myslym Keta” në kryeqytet. Gjatë fjalës së tij në Baldushk ku po shpërndante çelësat e shtëpive për 26 familje që përfituan nga projekti i rindërtimit pas tërmetit të 26 nëntorit të vitit 2019 kreu i qeverisë tha se pallati ishte i rrezikshëm dhe prandaj duhej shembur dhe se nuk e kuptonte rezistencën e banorëve. Sa i përket akuzave se ka ende familje që jetojnë në çadra Rama tha se ka pasur familje që kanë dëshiruar të rrinë aty pasi kanë bagëtitë. Duke u kthyer tek pallati tek “Myslyym Keta” Rama tha se bënte mu që ishte i pabanueshëm teksa shtoi se banorët do të marrin bonus qiraje derisa të ndërtohen banesat e reja.
Edi Rama: Dua të nënvizoj dhe një herë, shpesh herë serviren në pasqyrat e gjysëm të vërtetave pamje familjesh që thuhet se janë braktisur. Po ju them se të gjitha janë gënjeshtra. Nuk ka një familje të vetme, të gjitha janë gënjshtra, që të jetë dëmtuar e të mos u jetë dhënë bonusi i qirasë. Ka familje që kanë preferuar të mos lëvizin nga cadra, keni parë disa prej tyre, që janë në cadër, është e drejta e tyre, kanë bagëtitë aty, kanë tokën aty pranë, puna e tyre ne nuk i detyrojmë, ama numri i atyre që kanë qëndruar në çadra kanë qënë minimal. Si mund të jetojnë në pallatin që u shemb këto ditë dhe ca njerëzish janë këta që u dalin në mbrojtje ndërkohë që ai pallat bën mu që është një ngrehinë e rrezikshme, një ngrehinë që me një goditje të matrapikut binte dy kate menjëherë. Atyre të gjithëve ju jepet bonusi i qirasë dhe ju thuhet kur të ndërtohen apartamentet e reja do merrni një tëri. Çfarë duhet të bëjë qeveria dhe bashkia.
