TIRANË– Deputeti i Partisë Demokratike Ervin Salianji ka reaguar sërish ditën e sotme në lidhje me aksionin e Inspektoriatit të Mbrojtjes së Territorit në ‘Prestige Resort’ ku ka kryer disa shembje në pjesën ballore me pretendimin se është ndërtim pa leje. I ftuan në emisionin ‘Kjo Javë’ deputeti demokrat u shpreh se kjo po ndikon që edhe investitorët apo emigrantët, të frikësohen e të mos vijnë në Shqipëri.
‘Fakti që është shkelur siguria juridike po shtyn edhe emigrantët të mos duan të kthehen më në vend dhe investitorët të mos vijnë. Nuk ka një interes publik me shembjen e tij. Atëherë pse vijohet me lukuninë e njerëzve si banditë me kapuçë? Kjo ka bashkuar opozitën në qëndrim. Shprehen të shqetësuar, madje edhe për persona që kanë qenë dashakeqës ndaj këtij grupi mediatik. Jemi në kushtet kur është një ndërtim me leje që është dhënë nga kryeministri. Nuk ka ndërtim si ata përbindëshat në Tiranë. Nëse do kishte paligjshmëri, do të ndodhte ndërhyrja në momentin e parë. Ecet në mënyrë të kundraligjshme. Kërcënohet media. Nëse do ishte bërë një ndërtim i paligjshëm, ka nxjerrë një akt normativ në Tiranë kryeministri. Konfiskohen dhe u lejohet parablerja. Nuk pyet kryeministri për këtë ndërtim. Gjykata që duhet të jetë garantë, nënshtrohet ndaj kryeministrit. Nuk ka një interes publik këtu. Pse nuk presin institucionet dhe të shprehet gjykata. Pse vazhdohet me këta njerëz me kapuç. Është Edi Rama, s’ka gjykatë këtu. Sepse nëse do kishte, gjykata do kishte hedhur shortin me urgjencë. Rama do të jetë i sigurt 100%. Nëse nuk e zbatojnë urdhrin, i pret burgu. Nuk udhëhiqen nga ligji, por nga kryeministri. Prandaj ka zgjedhur dhe ditën e diel për të bërë prishjen, të kënaqë hakmarrjen e vetë primitive. Si pritë, si kurth në ditë që janë nxjerrë punonjësit, administrata. ”, tha Salianji.
