ITALI– Një fejesë e padëshiruar mes një të reje shqiptare dhe një djali maroken është bërë shkak për një sherr masiv mes disa personave në Itali. Mediat italiane shkruajnë se një 18-vjeçare shqiptare identitreti i të cilës nuk është bërë i ditur prej muajsh kishte nisur një lidhje me një djalë marokaen. Lidhje kjo që është kundërshtuar fort nga familja e vajzës.
Mbrëmjen e djeshme çiftin kishte dalë për një shëtitje me motrën e 21-vjeçarit kur janë hasur në rrugë me xhaxhain e vajzës dhe bashkëshorten e këtij të fundit të shoqëruar nga disa miq të tyre. Ata menjëherë kanë nisur të ofendojnë shoqëruesit e vajzës. Kanë mjaftuar vetëm pak minuta debat verbal mes vajzës dhe xhaxhait që gjithçka të degjeneronte në dhunë fizike. Xhaxhai e ka goditur me shuplakë vajzën dhe e ka kapur nga flokët.
Edhe djali nga Maroku u sulmua nga xhaxhai i partneres së tij. Në atë moment në rrugë janë shfaqur edhe familjarë të tjerë të vajzës, përfshirë edhe një 32-vjeçar i cili ka kërcënuar me thikë çiftin e ri.
