TIRANË– Dy persona janë vënë në hetim këtë të mërkurë nga Policia e Tiranës pasi akuzohen se kanë dhunuar me sende të forta një person. Ngjarja ka ndodhur në parkimin e një qendre tregtare në rrugën dytësore në autostradën Tiranë-Durrës pas një sherri banal mes tyre. Në konflikt janë përfshirë dhe persona të tjerë.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe nisi procedimi penal në gjendje të lirë për shtetasit A. A., 39 vjeç dhe F. P., 34 vjeç, të dy banues në Tiranë, pasi në parkingun e një qendre tregtare, në rrugën dytësore autostradën Tiranë-Durrës, në bashkëpunim me disa shtetas të tjerë, pas një konflikti për motive të dobëta, kanë goditur me sende të forta, shtetasin F. H., 35 vjeç.
