SHKODËR– Sherr me thika mes të rinjve në Shkodër. Raportohet se disa të rinj janë përleshur me njëri-tjetrin brenda ambienteve të një lokali afër poliklinikës në Shkodër ku për pasojë sherri ka degjeneruar në përdorimin e thikave. Mësohet se nga përplasja kanë mbetur të plagosur tre persona, njëri prej të cilëve në gjendje të rëndë. Deri më tani nuk dihet motivi i sherrit që çoi në përdorimin e thikave mes të rinjve ndërkohë që pritet që policia e Shkodrës të dalë me një deklaratë zyrtare në lidhje me ngjarjen e rëndë.
