DURRËS– Sherr me thika është regjistruar këtë të enjte pranë shkollës së muzikës ‘Jan Kukuzeli’, në lagjen numër 3 në Durrës. Raportohet se nga përplasje kanë mbetur të plagosur dy persona të identifikuar me inicialet B.G dhe XH.M. Mësohet se dy personat në fillim kanë pasur një përplasje verbale mes tyre por më pas sherri ka degjeneruar në nxjerrjen e thikave. Të du janë dërguar në spital dhe ndodhën nën kujdesin e mjekëve.
NJOFTIMI I POLICISË:
Rreth orës 10:30, në lagjen nr. 3, Durrës, dyshohet se gjatë një konflikti për motive të dobëta, shtetasit B. G., dhe Xh. M., kanë dëmtuar njëri-tjetrin, me mjete prerëse. Të dy këta shtetas ndodhen në spital, për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
