TIRANË– Një sherr me thika është regjistruar pasditën e sotme në Kamëz. Raportohet se një 17-vjeçar pas një konflikti për motive të dobëta ka goditur me thikë dy persona. Adoleshenti dyshohet se ka vjedhur materiale ndërtimi në një magazinë.
Të plagosurit janë dërguar në spital dhe ndodhen jashtë rrezikut për jetën. Policia dhe grupi hetimor kanë mbërritur në vendin e ngjarjes dhe kanë arrestuar autorin. Ndërkohë po punohet për zbardhjen e plotë të rrethanave të ngjarjes.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 5 arrestuan një shtetas 17 vjeç, pasi gjatë një konflikti për motive të dobëta, në Kamzë, ka goditur me mjet prerës, 2 shtetas. Nga veprimet hetimore dyshohet se 17-vjeçari i arrestuar ka vjedhur materiale ndërtimi, në një magazinë.
