KAMËZ– Plagosje me thikë në ambientet e jashtme të shkollës “Ahmet Zogu” në Kamëz. Raportohet se një 15-vjeçar është plagosur lehtë në krahë nga një 18-vjeçar i identifikuar me inicilaet K.Gj. Gjithçka ka ndodhur pas një debati të çastit mës tyre. Autori është shoqëruar në Komisariat ku po merret në pyetje ndërsa 15-vjeçari ndodhet nën kujdesin e bluzave të bardha.
NJOFTIMI I POLICISË:
Kamzë/Informacion paraprak. Më datë 16.05.2023, në Kamzë, në ambientet e jashtme të shkollës “Ahmet Zogu”, janë konfliktuar dy nxënës shkolle, dhe gjatë konfliktit shtetasi K. Gj., 18 vjeç, dyshohet se ka goditur me mjet prerës një 15-vjeçar, i cili si pasojë është dëmtuar lehtë në krah. Autori i dyshuar është shoqëruar në komisariat për veprime të mëtejshme. Grupi hetimor po punon për sqarimin e rrethanave të ngjarjes.
