TIRANË– Dy efektivë policie janë konfliktuar ditën e sotme me njëri-tjetrin. Sherri ka ndodhur mes një efektivi të forcave “Shqiponja” në policinë e Tiranës dhe një efektivi të Rrugores. Ngjarja ka ndodhur ditën e sotme pranë shkollës “Sami Frashëri.
Raportohet se punonjësi i forcave ‘Shqiponja’ me iniciale Y.D., po lëvizte më një automjet, kur punonjësi i qarkullimit i ka bërë me shenjë të ndalojë. Efektivi i forcave ‘Shqiponja’ nuk është bindur, por ka dalë nga makina dhe ka qëlluar kolegun e tij me grusht.
Pas sherrit ai është larguar menjëherë dhe kolegët nuk kanë mundur ta lokalizojnë ende. Ndërkohë Agjensia e Mbikqyrjes Policore ka nisur një hetim ndaj dhe është vënë në ndjekje për kapjen dhe vënien para përgjegjësisë.
