Sherr mes të rinjve në Pogradec, plagoset 24-vjeçari
Një sherr mes të rinjsh ka ndodhur mbrëmjen e së mërkurës në Pogradec, ku si pasojë ka mbetur një person i plagosur. Sipas informacioneve të policisë, ngjarja ka ndodhur rreth orës 19:20, ndërsa në Spitalin e Korçës ka shkuar për mjekim shtetasi K. C., 24 vjeç, banues në Pogradec.
Autori i dyshuar i ngjarjes shtetasi B. V., ndodhet i shoqëruar në ambientet e Komisariatit, ndërsa shtetasi K. C., ndodhet nën kujdesin e mjekëve, jashtë rrezikut për jetën. Grupi hetimor po punon për sqarimin e rrethanave të ngjarjes.
