LIBRAZHD– Një 30-vjeçar është vënë nën hetim këtë të shtunë nga Policia e Librazhdit pasi akuzohet për dhunë. Raportohet se i riu pas një sherri banal për çështje pronash ka goditur me grushte dhe sende të forta një 40-vjeçar. Ky i fundit më pas i ka dëmtuar me sende të forta makinën. Të dy kanë përfunduar nën hetim ndërsa materialet i kanë kaluar Prokurorisë për hetime të mëtejshme.
NJOFTIMI I POLICISË:
Specialistët për Hetimin e Krimeve të Komisariatit të Policisë Librazhd referuan materialet në Prokurori ku nisi procedimi në gjendje të lirë për shtetasit 30 vjeç, dhe 40 vjeç, pasi në fshatin Katjel, Prrenjas, gjatë një konflikti për motive pronësie ndërmjet tyre, shtetasi 30-vjeçar ka goditur me grushte dhe me sende të forta, shtetasin 40-vjeçar, dhe ky i fundit, më pas, ka dëmtuar me mjete të forta, automjetin e 30-vjeçarit. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
