FIER- Avokati Ergys Selmani 50-vjeç është rrahur sot në zyrën e tij nga një qytetar. Autori është D. Sh. 34 vjeç, banues në Fier.
Ngjarja ndodhi në zyrën e avokatit pranë gjykatës së Fierit. Personi që e ka dhunuar ka qenë në proces divorci dhe Selmani ka qenë avokat i palës paditëse.
Avokati është dërguar në spital për ndihmë mjekësore
Daniel Shkrela që e ka dhunuar ka qenë në proces divorci e Selmani ka qenë avokat i palës paditëse. Debati mes tyre ka qënë i ashpër, ndërsa mësohet se avokati është dërguar në spital, aty ku po merr ndihmën e duhur mjekësore. Grupi hetimor po punon për zbardhjen e plotë të rrethanave të ngjarjes dhe Policia është vënë në ndjekje të autorit.
‘Rreth orës 15:40, në lagjen “29 Nëntori”, Fier, shtetasi D. Sh., 34 vjeç, banues në Fier, dyshohet se për motive të dobëta, ka goditur me sende të forta në zyrën e tij, shtetasin E. S., 50 vjeç, me detyrë avokat. Eshtë shpallur në kërkim shtetasi D. Sh dhe po punohet për kapjen e tij. Grupi hetimor po punon për zbardhjen e plotë të rrethanave të ngjarjes.‘- njofton Policia.
