SHKODËR– Me sa duket ky sezon veror nuk do të jetë i qetë. Regjistrohet incidenti i parë sa i përket përplasjes së bizneseve për vendosjen e sheslogëve në plazhin e Velipojës. Përmes një njoftimi për mediat Policia bën me dije se një 64-vjeçar i identifikuar me inicialet S.H është kanosur nga tre persona, një prej të cilëve po hetohet në gjendje të lirë ndërsa dy të tjerët janë shpallur në kërkim. Përpos kësaj të tre personat në bashkëpunim me njëri-tjetrin e kanë goditur 64-vjeçarim me sende të forta dhe i kanwë dëmtuar makinën.
NJOFTIMI I POLICISË:
Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasin D. T., 31 vjeç, si dhe shpallën në kërkim shtetasit Z. M., 27 vjeç dhe S. M., 27 vjeç, të tre banues në Shkodër, pasi dyshohet se në bashkëpunim me njëri-tjetrin, kanë kanosur shtetasin S. H., 64 vjeç, banues në Shkodër, e kanë goditur atë me mjete të forta dhe i kanë dëmtuar automjetin me të cilin lëvizte, për shkak të shfrytëzimit të hapësirave në plazh, për vendosjen e shezlongëve. Vijon puna për kapjen e shtetasve Z. M dhe S. M. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
