Ditën e sotme në një lokal në Fushë Krujë-Thumanë është rregjistruar një konflikt mes shtetasve B. M., e J. M., dhe shtetasve Xh. Rr., I. Rr., dhe K. Rr. Gjatë konfliktit shtetasit Xh. Rr., I., Rr., dhe K. Rr., dyshohet se kanë goditur me sende të forta shtetasit B. M. dhe J. M. ku këta të fundit kanë marrë plagë në trupat e tyre dhe ndodhen në spital ku po marrin trajtime mjekësore.
Shkak për konfliktin midis këtyre shtetasve dyshohet të jetë një gurore në fshatin Borizanë, në pronësi të shtetasit P. Rr.
Shërbimet e Komisariatit të Policisë Krujë kanë shoqëruar shtetasit Xh. Rr., dhe P. Rr., si dhe po punojnë për shoqërimin e shtetasve I. Rr., dhe K. Rr., të përfshirë në këtë konflikt.
Prokuroria dhe grupi hetimor po punon lidhur me cështjen dhe për zbardhjen e plotë të detajeve dhe më pas do të vendoset një masë sigurie për të gjithë.
