SPANJË- Një grup grabitësisht shqiptarë që funskiononin si bandë e mirëfilltë për grabitje në Spanjë, janë arrestuar sot nga Guarda Civile, në kuadër të operacionit të koduar ‘Habitat Jaezerca’. Sipas asaj që bëjnë me dije mediat vendase bëjnë me dije se anëtarët e këtij grupi organizonin grabitjen me forcë të banesave, mes të cilave edhe ajo e futbollistit Dani Carvajal.
Të arrestuarit, janë të moshave 24 deri në 45 vjeç,dhe dyshohet se janë autorë të12 grabitjeve me forcë në shtëpi, të gjitha të banuara, të kryera në Boadilla del Monte, Villaviciosa de Odón dhe Venturada.
Hetimet kanë zbuluar se në dy vitet e fundit ata kanë qëndruar në Spanjë për periudha nga dy deri në tre muaj, më pas janë kthyer në vendin e tyre për të njëjtat periudha, duke vështirësuar kështu punën e policisë për kapjen e tyre. Drejtuesi i grupit kishte për qëllim krijimin e infrastrukturës së nevojshme. Ai kishte krijuar një rrjet bashkëpunëtorësh, si dhe kishte kryer studime të mëparshme për vendet ku grupi i hetuar do të kryente grabitjet.
Ata kanë zgjedhur gjithmonë shtëpitë e banuara për të grabitur, kryesisht vila familjare dhe që ndodhen në zona banimi. Më pas përmes dritareve, ata kontrollonin nëse kishte njerëz në shtëpi.
Pas kontrollit bëhej shpërndarja e grupit, dy nga komponentët hynin në katin e sipërm me shkallë dhe hynin në shtëpi nga dritaret ose dyert e tarracës, duke marrë kryesisht bizhuteri, orë, para në dorë dhe çdo send që ata e konsideronin të vlefshëm. Ndërkohë dy personat e tjerë kanë mbetur jashtë duke kryer punën e vëzhgimit.
Më 30 gusht ata kanë hyrë gjithashtu në shtëpinë e futbollistit Dani Carvajal, që ndodhet në Boadilla del Monte, ku pasi u konstatua prania e tyre nga alarmi rrethues, ata u larguan me shpejtësi. Ngjarja ka ndodhur rreth orës 02:00 të mëngjesit, kur lojtari nuk ndodhej në shtëpi, por disa punonjës të tij. Imazhet e regjistruara nga kamerat e sigurisë së shtëpisë treguan tre persona duke hyrë në parcelën e pajisur me shufra metalike.
