TIRANË– Emisioni “Stop” trajtoi këtë të enjte rastin e Sokol Gazullit. Ai ra viktimë e burokracisë dhe sistemit të korruptuar gjyqësor. Gazulli kërkoi të pajiste makinën me dokumente, por duke mos e futur dogana në TIMS, pagesa nuk mund të shmangej. Në këto kushte, ndërsa përdorte automjetin e tij, Sokoli ndalohet nga Antikorrupsioni i Doganave dhe i bllokohet makina. Mjetin e çojnë në doganën Shkodër, ku Gazulli doli debitor me 8 milionë Lekë të vjetra që iu morën nga banka.
Pasi makina u bllokua dhe dogana i faturoi Sokol Gazullit 8 milionë Lekë, makina e bllokuar prej 5 vitesh u shkatërrua brenda ambienteve të Doganës Shkodër.
“Dogana më ka marrë edhe 8 milionë Lekë të vjetra si detyrim doganor dhe si gjobë. Më ka lënë pa mjet. Është bllokuar padrejtësisht. 4 milionë Lekë është detyrimi doganor edhe 4 milionë Lekë është gjoba. Një çmenduri e paparë”, thotë denoncuese.
“Makina po bën 5 vjet që është në oborrin e parkimit të Doganës Shkodër. E kam lënë shumë të paprekur. Kur kam shkuar në muajin Tetor 2022 e kam parë makinën e shkatërruar”, shtoi ai.
Madje absurdi kulmon në faktin se dogana Shkodër ia mori detyrimin e montuar ndaj Sokolit, por ky institucion nuk di të shpjegojë, se pse nuk iu kthye makina qytetarit.
Gazetari: I pagoi lekët, jemi në fazën e pagimit të lekëve.
Juristja: Nëse, nëse për shembull i ka paguar lekët, unë e heq nga debitori dhe për mua nuk është debitor në asnjë Doganë të Republikës së Shqipërisë, ose nuk ka asnjë pengesë ligjore. për të kryer procedurat doganore, çfarëdolloj procedure. që të dojë shtetasi.
Juristja: Si s’e ka marrë? Unë e kam zhbllokuar në çdo vend, subjektin, individin.
Gazetari: Keni ndonjë dokument?
Juristja: Jo, unë kam zhbllokimet.
Drejtoresha e re e Doganës së Shkodrës pranon se në këtë rast janë bërë dallavere dhe Sokoli është penalizuar kot. Ajo zotohet, që dëmi i shkaktuar të dëmshpërblehet nga përgjegjësi.
Dr. Dogana Shkodër: Sokol, unë jam në dijeni, se s’mujta me fol në sy të djalit. Unë e di dhunën psikologjike, nuk po them materialisht, po unë e di, se ça ka ndodh. Jam krejt në dijeni, e kam vënë në dijeni, se ju e kishit vënë vetë Drejtorin e Përgjithshëm të Doganave.
Denoncuesi: Po, po, të gjitha! I kam krejt me dokumenta edhe këto, që kam kaluar këto 10 vjet, vetëm një Zot e di.
Dr. Dogana Shkodër: E di shumë mirë, më vuri në dijeni kryetari, se unë në fakt s’kam pas kohë.
Denoncuesi: Pse ka qenë Ermali këtu?
Dr. Dogana Shkodër: Edhe më tha Ermali, që më ka dhënë dhe Antikorrupsioni, kryeministria, informacion për situatën. Më kanë ardhur gjatë një viti, se një vit kam këtu, ma kanë pru para një viti, edhe vetë më kanë ardhur prej Drejtorisë së Përgjithshme dy persona, kanë kërkuar informacion. Unë e di, që kjo çështje ka marrë jehonë. Gjithsesi, në lidhje me mjetin, kam dalë e kam verifikuar vetë. Këtu është një kauzë, unë e di ça ka ndodh, as procesverbal nuk më kanë vu në dispozicion hala, kur e kanë blloku, e as pse e kanë blloku, askërrkush s’mund ta marrë mjetin.
Denoncuesi: Mu më kanë marrë 8 milionë lekë, tashti ça me bo, do ta marr apo..?
Dr. Dogana Shkodër: Normalisht, ju, që keni paguar…
Denoncuesi: M’i pat marrë, s’i kam paguar!
Dr. Dogana Shkodër: I thashë: “ia ke marrë zotërisë lekët me forcë?” Kur ia keni marrë, pse s’e keni vu në dijeni? Pse ia mbani peng makinën? “Jo, po s’ka ardhur, jo, po s’ka bo…”, këto histori.
Denoncuesi: Makinën ma kanë marrë me dhunë nga shtëpia, më kanë ardhur të gjithë policët.
Dr. Dogana Shkodër: Tani Sokol, unë jam informuar, kam informuar Drejtorin e Përgjithshëm. Unë kam me të garantuar diçka: inshalla fitohet kjo betejë ligjore, në lidhje me dëmin ekonomik, që të kanë krijuar ty, ti të jesh i bindur, që ky institucion do ta paguajë.
Dr. Dogana Shkodër: Ta garantoj këtë pjesë, thashë vetëm kam një problematikë, se ju…
Denoncuesi: Shiko moj drejtoreshë, të më rrahin mu..
Dr. Dogana Shkodër: E marr vesh! Unë të garantoj diçka: unë do shkoj te Drejtori i Përgjithshëm me tanë dosjen edhe do t’i them. Do shkojmë bashkë në Drejtori të Përgjithshme edhe do t’ia kërkojmë prezantimin me fakte. Unë personalisht do përgjigjem për atë dëm ekonomik, që kanë krijuar aty. Këtu krejt shkeljet janë bërë mullar. Inshalla e merr atë, që meriton ai, që është strumbullari ligjërisht! Materialisht kam për detyrë me t’u përgjigj unë, se më vret ndërgjegjja, se jam njeri./TvKlan
