SHKODËR– Një 55-vjeçare e identifikuar me inicilaet N.Gj ka mbetur e plagosur këtë të hënë pasi është përplasur nga një makinë kur po kalonte në viJat e bardha. Ngjarja ka ndodhur në sheshin “Demokracia” të Shkodrës. Gruaja është dërguar menjëherë në spital ku ndodhet nën kujdesin e bluzave të bardha dhe fatmirësisht jashtë rrezikut për jetën. Ndërsa shoferi, i identifikuar me inicilaet A.R 65 vjeç është shoqëruar në polici për të dhënë sqarime në lidhje me aksidentin.
NJOFTIMI I POLICISË:
Rreth orës 09:50, në sheshin “Demokracia”, shtetasi A. R., 65 vjeç, duke drejtuar automjetin, ka përplasur shtetasen N. Gj., 55 vjeçe (këmbësore), e cila po merr aktualisht ndihmën mjekësore, në Spitalin Rajonal Shkodër. 65-vjeçari është dërguar në ambientet e Komisariatit të Policisë Shkodër, për kryerjen e veprimeve të mëtejshme procedurale. Grupi hetimor vijon punën për zbardhjen e plotë të rrethanave të aksidentit.
