SHKODËR– Një incident është regjistruar pasditën e sotme në fshatin Fushë Zezë të Shkodrës. Raportohet se një grup prej pesë të rinjsh, identiteti i të cilëve nuk është bërë i ditur kishin udhëtuar nga Bajza për të bërë ski në Fushë Zezë, kjo pasi trerreni malor dhe bora e dendur e rënë ditëve të fundit e ka favorizuar aplikimin e këtij sporti. Por jo gjithçka ka shkuar siç duhet dhe një nga të rinjtë është ndjerë keq.
Të alarmuar shokët e tij kanë lajmëruar menjëherë ambulancën dhe policinë dhe kanë kërkuar ndihmën e tyre. Vendi ku i riu është ndjerë keq është shumë larg nga vendi ku ata kishin lënë makinën. Mësohet se drejt vendit të ngjarjes janë nisur autoambulanca dhe dy grupe të forcave speciale FNSH.
