ELBASAN– Një automjet tip “Benz” është përfshirë nga flakët në ecje mesditën e kësaj të mërkure në aksin rrugor Tiranë-Elbasan. Shkak dyshohet një defekt teknik. Fatmirësisht shoferi 40-vjeçar i identifikuar me inicialet A.H ka dalë në kohë nga mjeti dhe nuk ka marrë dëmtime. Po punohet për zbardhjen e plotë të rrethanave të rënies së zjarrit.
NJOFTIMI I POLICISË:
Rreth orës 11:45, në aksin rrugor “Tiranë-Elbasan”, dyshohet se për shkak të një defekti, ka marrë flakë gjatë kohës që ishte në lëvizje, automjeti tip “Benz”, me drejtues shtetasin A. H., 40 vjeç. Si pasojë e flakëve është djegur plotësisht automjeti. Nuk ka shtetas të dëmtuar. Grupi hetimor po punon për përcaktimin e shkaqeve të rënies së zjarrit.
