Gjeologët dhe zjarrfikësit njoftuan se mëngjesin e kësaj të hëne një pjesë e Toskanës u godit nga një tërmet me magnitutë 4.8 ballë. Fatmirësisht nuk pati raportime të menjëhershme për dëme apo lëndime.
Epiqendra e tërmetit ishte afër Marradit, në verilindje të Firences, dhe goditi në orën 5:10 të mëngjesit, pas disa lëkundjeve më të vogla, sipas institutit italian të gjeofizikës dhe vullkanologjisë.
Kjo zonë sipas agjencisë konsiderohet në rrezik të lartë për tërmete, duke përmendur në veçanti atë në vitin 1919 që goditi Mugello, i cili ishte një nga më të fortët që goditi Italinë në shekullin e 20-të.
Pas tërmetit u mbyllën edhe shkollat.
Mbrojtja Civile pas ngjarjes sizmike të regjistruar nga Instituti Kombëtar i Gjeofizikës dhe Vullkanologjisë në provincën e Firences në orën 5.10 të mëngjesit me magnitudë 4.8 ballë.
“Po vijojnë kontrollet për çdo dëmtim nga Dhoma Italiane e Situatave të Departamentit të Mbrojtjes Civile në kontakt me strukturat lokale të Shërbimi Kombëtar i Mbrojtjes Civile”.
“Nuk ka dëme të konsiderueshme, ka pasur shumë frikë, me njerëz në rrugë. Kontrollet do të vazhdojnë gjatë gjithë ditës, por nuk ka raportime për persona të lënduar apo dëme të veçanta”, ka thënë kreu i Departamentit të Mbrojtjes Civile Fabrizio Curcio për Sky Tg24.
Presidenti i Rajonit Eugenio Giani shkroi në rrjetet sociale se: “Për momentin nuk ka situata veçanërisht kritike. Kontrollet në ndërtesa dhe struktura do të vazhdojnë”.
