TIRANË– Miqtë e Enjo Saliajt, të riut që u aksidentua për vdekje nga një makinë në zonën e Freskut teksa lëvizte me monopatinë janë mbledhur sërish këtë të hënë pranë ambienteve të Prokurorisë së Posaçme Kundër Korrupsionit dhe Krimit të Organizuar për të protestuar për drejtësi për mikun e tyre. Ata kërkojnë që autori i ngjarjes Sildi Krashi të marrë dënimin më të rëndë.
Shoku i Enjo Saliajt: Dalim për të kërkuar drejtësi, do e ndjekim deri sa të mbarojnë gjyqet. Kemi parë shumë raste në Shqipëri dhe anashkalohen gjëra të tilla. Do të kërkojmë që të jemi në seancë, do futemi.
Si ndodhi aksidenti dhe historia e trishtë e 18-vjeçarit:
18-vjeçari Enjo Saliaj mbrëmjen e 2 shkurtit po lëvizte me monopatinë në zonën e Freskut kur u përplas për vdekje nga Sildi Krashi. Ky i fundit pas aksidentit u largua por u vu më vonë në pranga nga Policia. Enjo është djali i Kudret Salianjt, i cili u vra me armë zjarri në një lokal pranë Gjykatës së Tiranës nga vjehrri i tij, 30 minuta pasi kishte përfunduar seanca gjyqësore. Kudret Saliaj gjeti vdekjen e menjëhershme ndërsa vjehrri i tij u vu në pranga. Po ashtu u arrestua dhe nëna e 18-vjeçarit Dhurata Saliaj. Me babain e vdekur, nënën e gjyshin në burg, Enjo, i cili ishte afër vendit të ngjarjes kur babai i tij u dergj i mbuluar nga gjaku në tokë humbi jetën tragjikisht jetën në afaltin e zi të Tiranës.
