TIRANË-Komisioni i Operacioneve Elektorale në Partinë Demokratike ka dalë me një deklaratë zyrtare ditën e sotme pas përfundimit të preocesit të primareve në pesë bashkitë që shkuan në balotazh. Konkretishtr në bashkitë: Mirditë, Dibër, Mat, Librazhd dhe Fier.
Në një deklaratë për mediat anëtari i KOKOE Keltis Kruja bën me dije detajet në lidhje me numrin e pjesëmarrësve në votim dhe numrin e saktë të votave të marra nga secili kandidat në garë.
DEKLARATA E PLOTË:
Komisioni i Organizimit dhe Kontrollit të Operacioneve Elektorale të Partisë Demokratike njofton se përfundoi procesi i balotazhit për primaret në 5 bashki. Rezultatet dhe fituesit e garës janë si më poshtë:
2. Dibër: 1137 votues, fitues është Ismail Uka me vetëm 1 votë më shumë;
3. Mat: 676 votues, fitues është Skënder Gjuci me 70.71%të votave;
4. Librazhd: 659 votues, fitues është Shefki Cota me 63.3% e votave;
5. Fier: 964 votues, fitues është Evdar Kodheli me 61.1% të numrit të votave;
TOTAL (5 degët): 4316 votues
Interesi dhe pjesëmarrja në balotazh ka qenë më e lartë se në raundin e parë të primareve. Për këto 5 degë numri i votuesve ka qenë 248 votues më shumë se në garën e zhvilluar në raundin e parë, në datën 4 dhjetor 2022. KOKOE falenderon çdo anëtar e simpatizant të degëve të mësipërme që edhe në kushte të rënduara atmosferike, besuan në procesin e Primareve e votuan në mënyrë masive në dy raunde.
Partia Demokratike falenderon të gjithë anëtarët, simpatizantët, drejtuesit e degëve, komisionerët, të gjithë ata që u angazhuan në këtë proces kaq të rëndësishëm dhe të sukseshëm për Partinë Demokratike. Ne kemi vendosur kështu, për herë të parë në politikën shqiptare, standardin më të lartë të demokracisë, atë që anëtarët dhe simpatizantët vendosin per përfaqesuesin e tyre.
