TIRANË– Deputetja e Partisë Demokratike Flutura Açka ka kërkuar në Komisionin e Integrimit që ligji për mediat audiovizive, të zbatohet dhe se duhet një adresim më i mirë i mbrojtjes së fëmijëve. Gjatë fjalës së saj Açka tha se ditën e dielë që duhet të jetë një ditë e shenjtë për fëmijët del një grua në TV kombëtar që flet për çështje erotike dhe vibratorët ndërkohë që jepen dhe filma me përdhunime.
Flutura Açka: Në konsultat e bëra, s’ka asnjë organizatë fëmijësh! Ditën e dielë, kur fëmijët janë para ekranit, në TV kombëtarë, flet një zonjë që merret me çështjet erotike, flet për vibratorët… Por të flasësh për ditën e dielë, a kontrollohet ky treg. Jepen telenovela me përdhunime, si është e mundur? E shtuna e diela të jenë të shenjta për fëmijët.
Komisioni po shqyrton projektligjin për disa ndryshime dhe shtesa në ligjin “Për mediat audiovizive në Republikën Shqipërisë””, të ndryshuar”. Ndryshimi në ligjin për AMA-n kaloi me votat e mazhorancës tek komisioni integrimit.
