Në emisionin “Max Sport” në Euronews Albania moderuar nga Altin Sulçe dhe Klaudja Jazexhi, kryefjalë në program ishte problematika financiare e futbollit në Shqipëri.
Duke folur në një lidhje direkte, gazetari sportiv Bashkim Tufa ngriti alarmin që sipas tij, nuk dihet destiancioni i të ardhurave që gjenerohen nga futbolli i fëmijëve të cilët e kanë të detyruar të paguajnë tarifat përkatëse nga 30 mijë lek të vjera deri në 100 mijë lek.
“A e dini ju që futbolli i fëmijëve gjeneron në Shqipëri gjatë një viti 4.5 miliard lekë të vjetra pra rreth 4.5 milionë euro që nuk menaxhohen ashtu siç duhet. Janë 12 mijë fëmijë që paguajnë rreth 30-40 mijë lekë të vjetra në muaj dhe këto para do të duhet të menaxhoheshin mirë për ta zhvilluar këtë brez dhe për ti krijuar kushtet e duhura”, tha Tufa.
