TEPELENË– Një makinë tip “Mercedes Benz” ka shpërthyer në flakë në autostradën Levan-Tepelenë, në afërsi të fshatit Fratar. Shkak flakëve është bërë nga një defekt që ka patur automjeti.
NJOFTIMI I POLICISË
Rreth orës 15:20, në aksin rrugor “Levan-Tepelenë”, në fshatin Bejar, ka marrë flakë, në ecje e sipër, automjeti tip “Benz” me drejtues shtetasin E. P. Nga flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet. Grupi hetimor po punon për sqarimin e plotë të rrethanave të ngjarjes.
