GREQI– Një shpërthim është regjistruar në një shkollë fillore në Serres, Greqi. Për pasojë janë lënduar tre nxënës, njëri prej tyre u gjet pa ndjenja në ambientet e shkollës. Aktualisht fëmijët ndodhen në spitalin e Përgjithshëm në Serres.
Siç njoftojnë mediet greke, shpërthimi ka ndodhur në rezervuarin e naftës, që përdorej për ngrohje në shkollën e 9-të fiollore në Serres. Shpërthimi në rezervuar ka ndodhur për shkaqe të panjohura. Policia po punon për zbardhjen e rrethanave të ngjarjes.
