KORÇË– Shpërthimi i një bombole gazi në lagjen “lagjen17” në Korçë ka tronditur banorët e pallatit pasi shpërthimi ishte i fortë dhe zhurma e madhe. Duke folur për mediat e zonja e shtëpisë Shpresa Gjoka, e cila fatmirësisht nuk mori dëmtime ka treguar dinamikën e ngjarjes.
Ajo shprehet se i biri Shkëlzeni ka qenë brenda në shtëpi në momentin e ngjarjes por dhe ai fatmirësisht ka marrë vetëm dëmtime të lehta. Ajo shprehet se bombola që ata përdornin ishte e vjetër.
“Ne ishim poshtë po flinim, kur dëgjoj zhurmë penxheret, fluturuan penxheret. Shikoj qelqurina poshtë dhe mendova se ishte tërmet. Kur dola jashtë pash xhama, dyer etj. Shyqyr zotit që nuk kishte njeri jashtë ose ndonjë fëmijë që luante. Vetëm djali ishte në banesë. Djalin e goditën qelqurinat. E çuan në spital këta komshinjtë. Më thanë që është në gjendje të mirë shëndetësore. Aty nuk jeton njeri, djali erdhi për të na parë në të shkretët që jemi të sëmurë. Të gjitha penxheret 4 ose 5, janë thyer. Ndërsa bombola ishte nga bombolat e vjetra siç i kemi marrë, di unë si ishin ato flama. Shyqyr që shpëtoi djali”, tha ajo.
