SARANDË– Shpërthimi i fuqishëm i hotelit “Bizanti” që tronditi qytetin bregdetar të Sarandës në orët e para të mëngjesit ka krijuar probleme serioze në qarkullimin e mjeteve dhe këmbësorëve në bulevardin qëndror të qytetit. Raportohet se copa të shumta xhamash dhe inertesh janë shpërndarë në rrugë për shkak të forcës së madhe të shpërthimit.
Ndërkohë pluhuri vijon ende të jetë i pranishëm. Hedhja në erë e hotelit me 30 kg eksploziv ka bërë që shpërthimi të ndihet në të gjithë qytetit duke terrorizuar kështu qytetarët.
