KURBIN– Fqinjë e Skqënder Likës në Sanxhak të Kurbinit të cilit iu vendos lëndë eksplozive në banesë kanë folur për mediat ku kanë treguar momentin e shpërthimit. Një prej banorëve u shpreh se dëmet në banesën e Likës janë rreth 15 milionë lekë të vjetra. Sipas tyre aq i fortë ishte shpërthimi sa ata menduan se asnjë nga familjarët nuk do të mund të shpëtonin.
Pyetja– U frikësuat?
Fqinji: Si nuk i frikësuam. I kam këmbët keq duke ecur nëpër xhama prej frikës.
Pyetja: Vlera e dëmit?
Fqinji: Vlera e dëmit rreth 15 milion lekë. Do të ndërrohet krejt çatia. Kushdo që ka qenë, unë si kam asnjërit borxh, kam biznesin dhe familjen.
Polica e Kurbinit po punon për identifikimin e autorit/ve. Deri më pista kryesore ku po heton Policia është ajo e hakmarrjes, pasi familjarët e Likës janë të përfshirë në disa ngjarje me sfond kriminal të ndodhura në këtë zonë. Djali i Skënderit aktualisht është në burg pasi akuzohet për vrasjen e biznesmenit Rakip Roli, dhe se Policia ka përqendruar hetimet në këtë pistë.
Skënder Lika është autori i vrasjes së Rakip Rolit, i cili pas ngjarjes arratis menjëherë nga vendi i krimit së bashku me të birin. Skënder Lika është xhaxhai i Ilir Likajt (Xhepajt), i arrestuar për vrasjen e dy biznesmenëve në një hotel në Mamurras, përkatësisht të Paulin Gjergji dhe Bujar Lika (ky i fundit pa lidhje farefisnore me autorin e vrasjeve).
