SARANDË– Policia ka dalë me një jjiftim zyrtar nënlidhje me shpërthimim e fuqishëm me tritol që rrafshoi hotelin 2-katësh “Bizantin” dhe shkaktoi dëme të shumta në shumë biznese dhe banesa përreth. Në njoftim thuhet se dy bashkëpronarët e këtij hoteli janë në proces gjyqësor dhe kjo është një nga pistat ku po hetohet për shpërthimin që tronditi qytetarët pasi zjurma u dëgjua në gjithë qytetin.
NJOFTIMI I POLICISË:
Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar. Nga shpërthimi nuk ka asnjë person të lënduar. Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve. Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes. Nga të dhënat paraprake rezulton se prej vitit 2002, dy bashkëpronarët janë në një proçes gjyqësor për pronësin e këtij hoteli.
